Muǵalimderdi onlaın oqytatyn open-university qurylady
Kezdesý barysynda Sheteldik ınvestorlar keńesiniń 31-plenarlyq otyrysyn ótkizýdiń qorytyndylary shyǵarylyp, memleket, qoǵam jáne bıznes úshin zamanaýı syn-tegeýrinderdiń ózektiligin qosa alǵanda, Qazaqstannyń adam kapıtalyn damytý máseleleri talqylandy.
QR-daǵy «KNAÝF» kompanııasynyń tóraǵasy Dımıtrı Propp bilikti mamandardy daıarlaý baǵdarlamasy retinde qosarly bilim berýdi odan ári damytý perspektıvalary týraly aıtyp berdi. «Beıker jáne Makenzı» bólimshesiniń dırektory Kýrtıs Masters pen «Ernst end ıAng» kompanııasynyń Qazaqstan jáne Ortalyq Azııa boıynsha basqarýshy seriktesi Erlan Dosymbekov Eýropa elderinde kásibı-tehnıkalyq bilim berýdi damytý tájirıbesimen bólisip, únemi damýshy zamanaýı qoǵam jaǵdaıynda adam kapıtalyn arttyrýǵa arnalǵan basqa da quraldar týraly áńgimeledi.
Sarapshylardyń pikirine sáıkes, adam kapıtalyn damytý máselesi ShIK QA negizgi mindetteriniń biri. Budan ózge, sońǵy kezderi bul másele eldi damytýdyń jáne álemdik ekonomıkalyq arenada kórkeıtýdiń mindetti sharty retinde anyqtalǵan. Atap aıtqanda, adam kapıtalyn damytý búkil qoǵamnyń áleýetin arttyrýǵa, sondaı-aq jalpy alǵanda el resýrsyn keńeıtýge ákeledi. Óz kezeginde, Eýrazııa tobynyń baqylaý keńesiniń múshesi S. Temirǵalıev, «Sheteldik ınvestorlar keńesiniń qazaqstandyq assotsıatsııasynyń» dırektory J. Baıdasheva ınnovatsııalyq tehnologııalardy engizý jáne ekonomıkany tsıfrlandyrýdy eskere otyryp, JOO jáne kásibı bilim berýdi jetildirý jónindegi óz usynystaryn aıtty.
ShIK QA QR Prezıdenti janyndaǵy Shetel ınvestorlary keńesiniń (ShIK) sheteldik músheleriniń bastamasymen sheteldik taraptan Keńestiń resmı hatshylyǵy men qyzmetin úılestirýshi retinde quryldy. Assotsıatsııa Keńes múshelerine turaqty uıymdastyrýshylyq, úılestirýshilik, aqparattyq jáne tehnıkalyq qoldaý kórsetedi. Qazaqstandyq tarappen birlesip QR Prezıdentiniń tóraǵalyǵymen Keńestiń aralyq jáne plenarlyq otyrystaryn josparlaýmen jáne uıymdastyrýmen aınalysady. Óz músheleri atynan ShIK QA sonymen qatar QR Úkimeti ókilderimen, memlekettik qurylymdarmen, sheteldik kompanııalarmen, dıplomattyq korpýspen, bıznes assotsıatsııalarmen t.s.s. áriptestik qarym-qatynas ornatý boıynsha jumystardy júrgizedi.
Qarastyrylǵan máseleler boıynsha Bilim jáne ǵylym mınıstri E. Saǵadıev túsinik berdi, ol ShIK QA múshelerine professorlyq-oqytýshylyq quramdy onlaın oqytý salasynda yntymaqtastyq ornatýdy usyndy.
«Eger megatrend týraly aıtar bolsaq, qazir oqytýdyń eń jyldam ári qýatty trendi - bul onlaın oqytý. Biz pysyqtalǵan jahandyq resýrstardy paıdalana otyryp, kadrlardy, muǵalimderdi tolyq onlaın daıarlaýdy engizip, ózimizdiń qazaqstandyq open-university qurǵymyz keledi. Bul qymbat bolmaıdy, bul óte qolaıly jáne qoljetimdi, bilim berý sapasy da biz oılaǵannan artady. Qazir bul jumystarǵa kirisip te kettik, muny bir jyl ishinde bitirýimiz kerek. Oqytýshylardy onlaın oqytý boıynsha bul aımaqta birinshi bolǵymyz keledi», - dedi mınıstr E. Saǵadıev.
Talqylaý qorytyndysy boıynsha Baqytjan Saǵyntaev QR BǴM Assotsıatsııamen barlyq máselelerdi pysyqtap, adam kapıtalyn arttyrý boıynsha birlesken jumystardy josparlaýdy tapsyrdy.
