Muǵalimderdi qoldaý saıasatyn jalǵastyra beremiz - Prezıdent

NUR-SULTAN. QazAqparat – Muǵalimderdi qoldaý saıasatyn jalǵastyra beremiz. Bul týraly Memleket basshysy Qasym-Jomart Toqaev Qazaqstan halqyna Joldaýy barysynda aıtty, dep habarlaıdy QazAqparat tilshisi.

«Osy jyldyń qańtarynan bastap pedagogıka qyzmetkerleriniń jalaqysy 25 paıyzǵa ósti. Aldaǵy úsh jyldyń ishinde biz bul maqsatqa qosymsha 1,2 trln teńge baǵyttaımyz. Qabyldanǵan is-sharalar óz jemisin berip te jatyr. Pedagogıka mamandyǵyna túsýshilerdiń ortasha bally kúrt ósti. Muǵalimderdi qoldaý saıasatyn jalǵastyra beretin bolamyz», - dedi QR Prezıdenti.

Sonymen qatar, Memleket basshysy jahandyq ózgerister jaǵdaıynda alǵan bilim túlek eńbek naryǵyna shyqqansha eskirip ketý múmkindigi joǵary ekendigin basa aıtty.

«Sondyqtan beıindi mınıstrlikterdiń aldynda oqý baǵdarlamalaryn jańa jaǵdaılarǵa beıimdeý boıynsha shuǵyl mindet tur. Pandemııa kezindegi qashyqtan oqytý qorytyndysy ulttyq telekommýnıkatsııa jelisi tıimdiliginiń jetkiliksizdigin kórsetti. Bul bazalyq qarapaıym bilimi joq oqýshylardyń úlken leginiń paıda bolýyna alyp keldi»,- dedi Qasym-Jomart Toqaev.