Muǵalimderdi «Bolashaq» baǵdarlamasymen oqytý kerek - Berdibek Saparbaev

ALMATY. QazAqparat – Almatyda QR Premer-Mınıstriniń orynbasary Berdibek Saparbaev mektep dırektorlarymen kezdesti, dep habarlaıdy QazAqparat tilshisi.

«Biz muǵalimderdiń materıaldyq jaǵdaıyn eskerýimiz kerek. Ótken jyly ustazdardyń jalaqysy ósti. Tamyz konferentsııasynda Prezıdent Úkimetke muǵalimderdiń jalaqysyn 2020 jyldan bastap tórt jyl ishinde eki esege arttyrýdy tapsyrǵan bolatyn. Ótken jyldarmen salystyrǵanda qazir muǵalimderdiń eńbekaqysy jaman emes. Sonymen qatar biz muǵalimderdi «Bolashaq» baǵdarlamasymen daıyndaýymyz kerek»,-

Berdibek Saparbaevtyń aıtynsha, aýyldyq jerlerde bilim sapasy tómen.

«Bul - óte ózekti másele. Aýylda muǵalimder jetispeıdi. Onda bilim berý deńgeıi nasharlap barady. Sebebi onda bir muǵalim geografııa, matematıka, bıologııa pánderinen sabaq bere beredi. Mundaı kórinis ásirese shaǵyn mektepterde jıi kezdesedi. Sondyqtan biz aýyldyq jerde jumys isteıtin muǵalimderdiń jaǵdaıyn jasaýymyz kerek. «Dıplommen aýylǵa» baǵdarlamasy týraly aıtyp jatyrmyz, biraq, ókinishke qaraı, bul baǵdarlama keı jerlerde júzege asyp jatqan joq. Barǵan ustazdarǵa baspana bermeıdi, jaldap turý aqysyn tólemeıdi. Qazir osy másele boıynsha biz jergilikti bılikpen jumys istep jatyrmyz. Men bul problemalardyń bárin bilemin. Men de ákim bolǵanmyn. Osynyń bárin qadaǵalaımyz», - dedi mektep dırektorlarymen kezdesýde B.Saparbaev.

Sonymen qatar, Premer-Mınıstrdiń orynbasary mektep oqýshylardyń ata-anasymen tyǵyz baılanysta bolýy tıis ekenin tilge tıek etti.

Buǵan deıin B. Saparbaev qalanyń belsendi jastarymen kezdesken bolatyn.