Muǵalimder jataqhanadaǵy stýdentterdi úılerine alyp, qamqorlyq tanytýda – mınıstrlik
Vedomstvonyń aqparatyna sáıkes, QR Mádenıet jáne sport mınıstrligine baǵynysty bilim berý uıymdary: mektepter, kolledjder men JOO-lardaǵy balalar men jasóspirimder qazirgi ýaqytta tolyq qaýipsizdikte.
«Otandyq joǵary oqý oryndarynyń stýdentterine, kolledjder men mektepterdiń oqýshylaryna qatysty mynadaı is-sharalar qabyldandy: olar azyq-túlikpen jáne barlyq qajetti zattarmen qamtamasyz etildi. Dırektorlar olar úshin derbes jaýapty.
Jergilikti jerlerde shuǵyl sharalar qoldanyldy. Oqý oryndary ókilderiniń habarlaýynsha, stýdentterdiń eń kóp bóligi úılerine qaıtqan: «Al jataqhanada qalǵan stýdentter men sheteldik stýdentterdi bilim berý mekemeleriniń muǵalimderi úılerine alyp, qamqorlyq tanytýda». Stýdentterdiń qaýipsizdigi úshin barlyq jaǵdaı jasalǵan», - delingen QR MSM saıtynda.
Málimetke súıensek, 10 qańtardaǵy jaǵdaı boıynsha QR Mádenıet jáne sport mınıstrligine qarasty bilim berý uıymdarynyń jataqhanalarynda 180 adam ornalasqan.
«Olardyń barlyǵy bilim berý uıymdarynyń oqytýshylar quramynyń baqylaýynda jáne qamqorlyǵynda», - dedi vedomstvodan.
Buǵan deıin habarlaǵanymyzdaı, QR Bilim jáne ǵylym mınıstriniń tapsyrmasymen elimizde oqýshylardyń qysqy demalysy 17 qańtarǵa deıin uzartyldy. Muǵalimder men basqa qyzmetkerler óńirdegi jaǵdaıǵa baılanysty shtattyq nemese qashyqtyq rejımde jumys isteıdi. Kolledjderde qysqy demalys 24 qańtarǵa deıin jalǵasady. Kolledjder men joǵary oqý oryndaryndaǵy ekinshi semestr árbir oqý ornynyń akademııalyq kúntizbesine baılanysty 24 qańtardan bastalady.
