Muǵalimder jalaqysy búgingi deńgeımen salystyrǵanda 2 nemese 3 ese artady
ASTANA. 24 tamyz. QazAqparat - 2015 jylǵa deıin 500-den astam mektep salynady. Bul týraly búgin Astanada «Bilim berý júıesin jańǵyrtý - adamı kapıtaldyń sapaly ósýiniń basty baǵyty» respýblıkalyq pedagogıkalyq tamyz konferentsııasynyń plenarlyq otyrysy barysynda Bilim jáne ǵylym mınıstri Baqytjan Jumaǵulov málim etti.
«Osy jyldyń ózinde 146 jańa mektep paıdalanýǵa beriledi. 2015 jylǵa deıin 522 mektep salynady. Bul TMD elderindegi biregeı qarqyn»,-dedi vedomstvo basshysy.
Sonymen qatar, ol óz sózinde eń mańyzdy mindetterdiń biri, pedagog mártebesin kóterýge baılanysty ekenin jetkizdi. Muǵalimderge laıyqty eńbekaqy tóleý máselesine toqtalǵan mınıstr, «Memlekettik baǵdarlamada 2015 jylǵa qaraı pedagog jalaqasy jeke sektordaǵy deńgeıge jaqyndaıtyny qarastyrylǵan. Bul - búgingi deńgeımen salystyrǵanda 2 nemese 3 ese artady degen sóz. Bir jyldan beri muǵalimder kategorııasyna baılanysty qosymsha aqy alady», - dedi.
