Muǵalimder men memqyzmetshiler saılaýǵa kelýge məjbúrlenbeıdi
Kezekten tys Prezıdent saılaýy týraly elorda ákimdiginde ótken baspasóz máslıhatynda tilshiler muǵalimder men memlekettik qyzmetshilerdi saılaýǵa kelýge májbúrleý bola ma degen suraq qoıǵan edi. Tilshiler saılaý ýchaskesinde tipti selfı jasaý mindettelgeni jaıly buryn aqparat taraǵanyn aıtyp saýal tastaǵan edi.
«Biz eshkimdi májbúrlegeli otyrǵan joqpyz. Alaıda daýys berý úshin saılaý ýchaskesine kelýge shaqyramyz. Álbette, «baryńyzdar, daýys berińizder» dep aıtamyz, biraq selfı jasatý degen sekildi, árıne, jaǵdaılar bolmaıdy», - deıdi Azamat Ahmedjanov.
Onyń aıtýynsha, májbúrleý jaǵdaılary kezdesip jatatyn bolsa, elordalyqtar Ikomek qyzmetine shaǵym túsire alady.
«Ikomek-ten kelgen aqparat ákimdik apparatyna túsedi. Álbette, barlyǵyn saılaýǵa shaqyramyz, biraq májbúrlemeımiz», - deıdi ol.
Eske sala ketsek, buǵan deıin habarlaǵanymyzdaı, Qazaqstanda 9 maýsym kúni ótetin kezekten tys Prezıdent saılaýynda elordalyqtar 304 saılaý ýchaskesinde daýys bere alady.
Baspasóz máslıhaty barysynda Nur-Sultan qalasy ákimi apparaty basshysynyń orynbasary Azamat Ahmedjanov sondaı-aq, elordada tirkelmeı jumys istep júrgen azamattar qalaı daýys bere alatynyn túsindirgen bolatyn.
