Muǵalimder men dárigerlerdiń jaǵdaıyn jaqsartýǵa múmkindikter jasalady - Memleket basshysy
NUR-SULTAN. QazAqparat - Búgin ulyqtaý rásiminde Qazaqstan Prezıdenti Qasym-Jomart Toqaev ádiletti áleýmettik saıasat máselesin kóterdi, dep habarlaıdy QazAqparat tilshisi.
«Biz adam kapıtalyn damytý saıasatyn jalǵastyramyz. Bul baǵytta, eń aldymen, ne isteýimiz qajet? Jappaı bilim berýdi qoldaý. Barlyq turǵyndarǵa sapaly medıtsınalyq qyzmet kórsetý... Mine osy máseleler boıynsha bizdiń tutas baǵyt-baǵdarymyz bar», - dedi Prezıdent.
Memleket basshysy muǵalimder men dárigerlerge qoldaý jasalatynyn atap ótti.
«Biz muǵalimderdiń jáne dárigerlerdiń mártebesin kóteretin jańa zańdar qabyldaımyz. Olardyń quqyǵyn qorǵap, materıaldyq jaǵdaıyn jaqsartý úshin tıisti múmkindikter jasaımyz», - dedi Q. Toqaev.
