Muǵalimder men dárigerlerdiń mártebesinde ózgerister bolady
ASTANA. QazAqparat - 2015 jyldyń 1 shildesinen bastap engiziletin eńbekaqyny tóleýdiń jańa modeli azamattyq qyzmetshilerdiń sanatyn ózgertedi. Bul týraly búgin Ortalyq kommýnıkatsııalar qyzmetindegi brıfıngte QR Eńbek jáne halyqty áleýmettik qorǵaý mınıstri Tamara Dúısenova málim etti.
«Eger qoldanystaǵy eńbekaqy tóleýdiń ádisine toqtalatyn bolsaq, búginde bir kategorııada basshy men jumysshy qatar turýy múmkin. Bul óz kezeginde bireýi basshylyq qyzmetti, keıbiri negizgi jumysty, sondaı-aq bireýleri ákimshilik qyzmetti atqarýyna qaramastan, barlyǵynda birdeı qyzmettik jalaqynyń bolýyna alyp keldi. Osy oraıda eńbekti yntalandyrý deńgeıi tómendedi», - dedi mınıstr.
Al jańa modelde azamattyq qyzmetshilerdiń laýazymdaryn olardyń atqaratyn jumystaryna qaraı bólý kózdelgen. Bunda laýazymdar bilimge, biliktilikke, oryndaıtyn jumystyń kúrdeliligi men dárejesine qaraı jikteledi.
«Basqarýshylyq qyzmetti atqaratyn azamattyq qyzmetshi endi «basqarýshy personal» blogynda bolady. Profıldik qyzmetterdi oryndaıtyndar, mysaly,aýrýhanadaǵy dárigerler men mektepterdegi oqytýshylar «negizgi personal» blogyna engiziledi. Osy uıymdarda eńbek jaǵdaıyn qamtamasyz etip otyrǵan azamattyq qyzmetshiler, ıaǵnı ekonomıster, býhgalterler, zańgerler jáne basqalary «ákimshilik personal» blogyna qaraıdy. Tórtinshiden, «tehnıkalyq personalda» tehnıkalyq jumysshylar qamtylady», - dep túıdi ol.
