Muǵalimder men bilim alýshylarǵa arnalǵan 175 tegin olımpıadanyń tizimi bekitildi

NUR-SULTAN. QAzAqparat - Muǵalimder men bilim alýshylarǵa arnalǵan 175 tegin olımpıada men konkýrstyń tizimi bekitildi. Olar mektepke deıingi, bastaýysh, orta, tehnıkalyq jáne kásiptik bilim berýdiń barlyq deńgeıin qamtıdy, dep habarlaıdy QR BǴM baspasóz qyzmeti.

Endi olımpıadalar mekteptiń mártebesine baılanysty saralanady. Sebebi tizimge aýyldyq, sondaı-aq mamandandyrylǵan jáne jekemenshik mektepter engizilgen. Respýblıkalyq olımpıadalarǵa bastaýysh (2-4) jáne orta (5-6) synyp oqýshylary qatysa alady.
«Zııatkerlik olımpıadalardyń maqsaty – qabiletti damytý, teorııalyq bilim men praktıkalyq daǵdylardy tereńdetý, jeke tulǵanyń ózin-ózi júzege asyrýyna járdemdesý, daryndy balalardy anyqtaý úshin jaǵdaı jasaý, bilim alýshylardy halyqaralyq olımpıadalarǵa qatysýǵa irikteý jáne daıyndaý. Aıta ketý kerek, Bilim jáne ǵylym mınıstrligi ótkizetin barlyq jarys, onyń ishinde zııatkerlik olımpıadalar da, shyǵarmashylyq ári sporttyq jarystar da bıýdjet qarajaty esebinen júrgiziledi», – dep atap ótti Sholpan Karınova.
Sonymen qatar tizimge 33 olımpıada men konkýrs engizilgen, olardyń nátıjeleri pedagogterdi attestattaý kezinde eskeriletin bolady.