Muǵalimder kúnine oraı elordalyq oqytýshylarǵa páter kiltteri tabystalady
ASTANA. 2 qazan. QazAqparat - Astanada Muǵalimder kúni merekesine oraı 7 oqytýshyǵa páter kilti tabystalady. Bul týraly astana.kz saıtyna elordalyq Bilim basqarmasynan habarlady.
Vedomstvonyń aqparatyna sáıkes, Almaty aýdanynan 4, Saryarqa aýdanynan 2 jáne Esil aýdanynan 1 oqytýshyǵa páter beriledi.
Saltanatty rásim 4 qazanda Kongress Holl saraıynda ótedi. Sonymen qatar, bul kúni úzdik bilim mekemelerine granttar bólinedi. Marapattaý «Úzdik bala baqsha-2013», «Úzdik mektep -2013», «Úzdik qosymsha bilim berý mekemesi-2013», «Úzdik kolledj-2013», «Úzdik arnaıy bilim mekemesi - 2013», «Jyl oqytýshysy-2013» atalymdary boıynsha júrgiziledi.
Budan basqa, qazaqstandyq estrada juldyzdarynyń qatysýymen merekelik kontsert uıymdastyrylady. Atap aıtqanda, Lakı Kesoglý, Baýyrjan Isaev, Nurlan Abdýllın, Rınat Maltsagov, Albına Oganesıan, Marına Bısehanova, Volodıa Kım, Bıbigúl Januzaq, Azamat Jyltyrkózov, «Astana Opera» MOBT jáne Oqýshylar saraıynyń shyǵarmashylyq ujymdary.
