Muǵalimder qudyqqa qulap ketken oqýshyny qutqardy - Kókshetaý
KÓKShETAÝ. QazAqparat - Kókshetaýdyń irgesindegi Krasnoıar kentinde qudyqtyń ishine túsip ketken 2-shi synyp oqýshysy qutqaryldy, dep habarlaıdy QazAqparat tilshisi.
Aımaqtyq TJD baspasóz qyzmetiniń deregi boıynsha ótken aptanyń sońynda Krasnoıar kentindegi №2 orta mekteptiń mańyndaǵy qudyqtyń ishine 2-shi synypta oqıtyn Egor esimdi 7 jasar bala abaısyzda qulap ketken.
«Bala lezde qutqarýshylar men muǵalimderdiń kómegimen qutqaryldy. Abyroı bolǵanda eshqandaı zardap shekken joq», dep túsindirdi baspasóz qyzmetindegiler.
Al, mektep dırektory Svetlana Ábdireýpovanyń sózinshe, qazirgi kezde balanyń jaǵdaıy jaqsy. Sabaǵyn jalǵastyrýda. Qaqpaǵy taqtaımen jabyq turǵan qudyqtyń ishin ashyp kórmek bolǵan balanyń aıaǵy taıyp qulap ketken eken. Sol kezde, oqıǵa ornynan tabylǵan ata-analardyń biri men oqýshylar kórip, qutqarýshylardy shaqyrǵan. Qutqarýshylar kelgenshe, mektep muǵalimderi balany ózderi qudyqtan shyǵaryp alǵan.
