Muǵalimder biliktiligin arttyrý eki jylda bir ret ótkizilýi múmkin - mınıstr
Bul týraly «Bilim jáne ǵylym – eldiń turaqty damýynyń kepili» taqyrybyndaǵy pedagogterdiń Respýblıkalyq tamyz konferentsııasynyń plenarlyq sessııasynda QR Bilim jáne ǵylym mınıstri Ashat Aımaǵambetov málim etti, dep habarlaıdy QazAqparat tilshisi.
«Qazirgi kezde biliktilikti arttyrýdyń ortalyqtary qaıta júkteý kezińnen ótip jatyr. Bul kezeńde biliktilikti arttyrý kýrstarynyń mazmuny men sapasyna qadamdar tolyqtaı jańartylady. Olar ǵylymı ádistemege negizdelgen. Sonymen qatar, muǵalimder biliktiligin bes jylda bir ret emes, eki nemese úsh jylda bir ret ótkizý máselesin qarastyrýdy josparlap otyrmyz», - dedi A. Aımaǵambetov.
Onyń paıymynsha, bul qadamdar mańyzdy bolyp tur. Sebebi saladaǵy jaǵdaı óte qarqyndy ózgerip jatqan kezeńde pedagogtar biliktiligin turaqty arttyrýdy qamtamasyz etý mańyzdy.
Budan buryn habarlanǵandaı, bıyl pedagogtardyń quqyqtaryn buzý týraly júzden astam ótinish qaraldy.
2022 jyldyń qańtarynda balabaqsha men mektep, kolledj pedagogtarynyń jalaqysy 25 paıyzǵa ósedi.
