Muǵalim men dárigerdiń aılyǵyn jyl saıyn 25-30 paıyzǵa kóterý arqyly eki ese ósirdik - Úkimet
«Adamdar – ınfraqurylymǵa» qaǵıdatyn bekite otyryp Qazaqstan Respýblıkasynyń 2025 jylǵa deıingi aýmaqtyq damý jospary iske asyp jatyr. Osy qaǵıdaǵa sáıkes biz aýyldardaǵy, mono jáne shaǵyn qalalardaǵy ınfraqurylym deńgeıin bazalyq standarttarǵa jetkizetin bolamyz. Aralas saılaý júıesine kóshtik. Qazaqstanda adam quqyqtaryn qorǵaý salasynda ólim jazasy birjola joıyldy», - dep atap ótti Úkimet basshysy.
Onyń aıtýynsha, óńirlermen birlesip, Halyqtyń tabysyn arttyrý baǵdarlamasy sheńberinde jumyspen qamtýdyń keshendi jospary iske asyp jatyr.
Qazirgi ýaqytta jańa, bos jáne memleket sýbsıdııalaıtyn jumys oryndaryna 600 myńnan astam adam jumysqa ornalasty. Olardyń jartysy – jastar.
Prezıdenttiń jastardy jáne halyqtyń áleýmettik osal toptaryn jumyspen qamtý máseleleri týraly tapsyrmalary erekshe oryn alady.
Jastardyń jas shamasy 29-dan 35 jasqa deıin ulǵaıtyldy. Nátıjesinde 5,7 mln adam memlekettik qoldaý sharalaryna qol jetkize alady.
Bıyl olardyń 9 myńǵa jýyǵy, sonyń ishinde áleýmettik osal toptardaǵy jastar, 2,5%-pen jeńildikti kredıt, óteýsiz grant alyp, óz isin ashty.
«1,2 mln azamattyq qyzmetkerdiń jalaqysyn 2 esege arttyrý mindeti qoıyldy. Sondyqtan biz jyl saıyn muǵalimderdiń jalaqysyn 25%-ke, dárigerlerdiń jalaqysyn 30%-ke, orta medıtsınalyq personaldyń jáne basqa sanattaǵy jumyskerlerdiń jalaqysyn 20%-ke arttyryp kelemiz. Shamamen 2 myńnan astam kásiporynmen jumys júrgizildi. Nátıjesi boıynsha jumys berýshiler 1 mln astam jumysshylardyń jalaqysyn 10%-ten 50%-ke deıin arttyrdy», - dedi ol.
