Muǵalim qyzmetine qoıylatyn talap kúsheıedi – Bilim mınıstri
NUR-SULTAN. QazAqparat - Muǵalim qyzmetine qoıylatyn talap kúsheıedi. Bul týraly búgin Úkimet otyrysynda «Pedagog mártebesi týraly» zań jobasyn tanystyrǵan QR Bilim jáne ǵylym mınıstri Ashat Aımaǵambetov aıtty, dep habarlaıdy QazAqparat tilshisi.
«Pedagog mártebesin arttyrý arqyly muǵalimniń qyzmetine qoıylatyn talaptar da kúsheımek. Sondyqtan zań jobasyna sáıkes, 2021 jylǵy 1 qańtardan bastap ýnıversıtet túlekteri pedagog biliktiligine sáıkestigin rastaıtyn bolady. Sonymen qatar qoldanystaǵy shekteýlerden basqa psıhıkalyq jáne minez-qulyqtyq aýytqýy bar, áreketke jaramsyzdyǵyna baılanysty dárigerdiń baqylaýynda turǵan adamdardy pedagog qyzmetimen aınalysýǵa tyıym salynady», - dedi Ashat Aımaǵambetov.
Onyń atap ótýinshe, munan bólek zań jobasynda jetim balalar men ata-analardyń qamqorlyǵynsyz qalǵan balalardy ornalastyrý boıynsha kommertsııalyq emes uıymdardy engizý, Prezıdenttiń quzirettiliginen ulttyq joǵary oqý oryndarynyń rektorlaryn taǵaıyndaý jónindegi ókilettikterdi Úkimetke berý jáne basqa da sharalar kózdeledi.
