Muǵalim - elimizdiń bilim berý saıasatyndaǵy basty tulǵa - B.Jumaǵulov
TANA. 30 qyrkúıek. QazAqparat. 29-qyrkúıek kúni Astanada muǵalimderdiń kásibı merekesine arnalǵan saltanatty kesh ótti, dep habarlaıdy QR BǴM baspasóz qyzmeti.
Bul kúni elimizdiń 279 myń muǵalimi ózderiniń kásibı mereke kúnimen quttyqtaýlar estidi.
Jıynda Qazaqstan Respýblıkasy N.Á. Nazarbaevtyń quttyqtaý hatymen Bilim jáne ǵylym mınıstri B.T. Jumaǵulov tanystyrdy. Hatta: «Qazirgi zamanda bilim deńgeıi joǵary ult qana jahandaný talaptaryna jaýap bere alady. Sondyqtan bilim sapasy - eldiń erteńin aıqyndaıtyn, onyń básekelestik qabiletine yqpal etetin asa mańyzdy sala. Bıyl elimiz óz Táýelsizdiginiń 20 jyldyǵyn atap ótedi. Biz osy jyldarda zaman talabyna saı bilim berýdiń jańa júıesin qurdyq. Búginde halyqqa álem standarttarǵa saı bilim berý úshin memleketimiz óz tarapynan barlyq jaǵdaılardy jasaýda. Ustaz mártebesin kóterý jáne onyń eren eńbegin laıyqty túrde baǵalaý oraıynda aýqymdy ári júıeli sharalar iske asyrylýda. Mektepke deıingi, orta, kásiptik jáne joǵary bilim berýde múlde jańa baǵyttar anyqtalyp, elektrondy oqytý júıesi engizilýde»6 - delingen.
- Ult kóshbasshysy N.Á. Nazarbaevtyń strategııaly baǵytyn negizge ala otyryp, Táýelsizdiktiń 20 jyldyǵy qarsańynda Qazaqstan Respýblıkasy álemdik zamanaýı tájirıbege saı asa ózgeshe, jańa bilim qurylymyn jasady. Bul, shynynda da, sizderdiń, ustazdar qaýymy eren eńbeginiń jemisi, - dedi mınıstr óziniń quttyqtaý sózinde. Sondaı-aq, saltanatty keshke Eńbek jáne halyqty áleýmettik qorǵaý mınıstri G.N. Ábdihalyqova qatysty.
Táýelsizdiktiń 20 jyldyǵyn respýblıkamyzdyń muǵalimder qaýymy jaqsy jetistiktermen qarsy aldy. «Balapan» baǵdarlamasy da sátti júzege asyrylýda. Búginde elimizde 6960 mektepke deıingi uıymdar jumys isteıdi. 12-jyldyq bilim berýge kóshý jumysy qarqyndy júrip jatyr. Aldaǵy jyldarda 522 mektep salynbaqshy.
Tek sońǵy jyldarda otandyq bilim berý salasy modernızatsııa baǵytynda óz jumysyn jalǵastyrýda. 2011-2020 jyldarǵa arnalǵan jańa Memlekettik bilim berý baǵdarlamasy qabyldandy. Tehnıkalyq jáne kásibı bilim berýdiń jańa modeli engizildi. Bilim berýdiń barlyq deńgeıinde qoǵamdyq keńester qurylýda. Bilim berý sapasyn baǵalaýdyń vertıkal júıesi qalyptasty. Nazarbaev zııatkerlik mektebi men Nazarbaev Ýnıversıtetiniń negizinde pedagogtar biliktiligin arttyrýdyń jańa júıesi engizildi.
Matematıka páni ustazdarynyń alǵashqy sezinde Elbasy: «Keleshekte muǵalim mamandyǵy erekshe suranysqa ıe bolyp, eńbekaqysy joǵary bolmaq» - degen bolatyn.
Osy baǵytta birqatar is-sharalar júzege asyrylýda. Tamyz aıynda muǵalimder eńbekaqysy 30 paıyzǵa kóterildi. 2011 jyldyń 1-qyrkúıeginen bastap Bilim jáne ǵylym mınstrligimen muǵalimderdiń biliktilik kategorııasy úshin ústemaqy tólenýde.
Búgingi tańda ustazdar qaýymynyń aldynda jańa mindetter tur, eń aldymen, bilim berýdiń jańa sapasyna kóshý máselesin qolǵa alý. Bul aldaǵy onjyldyqta bilim berýdi damytýdyń túbegeıli ózgerisi bolmaq. Osy baǵytta muǵalimniń orny barlyq bilim berý salasynyń tetigi bolyp otyr.
Mınıstr B. T. Jumaǵulov óz sózinde muǵalimniń elimizdiń bilim berý saıasatyndaǵy basty tulǵa ekenin atap aıtty. Endigi kezekte birde-bir oqýlyq muǵalimniń tekserýinsiz jaryqqa shyqpaq emes. Ustazdar qaýymy bilim salasyndaǵy memlekettik saıasatty júzege asyrýdaǵy birden-bir tulǵa bolyp qala bermek.
Saltanatty keshte respýblıkamyzdyń eń uzdik, tańdaýly ústazdary Qazaqstan Respýblıkasynyń bilim berý isiniń qurmetti qyzmetkeri, Y.Altynsarın tósbelgilerimen, Qazaqstan Respýblıkasy Bilim jáne ǵylym mınıstrliginiń qurmet gramotalarymen marapattalyp, mınıstrdiń alǵysy jarııalandy.
