Muǵalim bolǵysy keletin talapkerler sany artyp keledi - vıtse-premer
ASTANA. QazAqparat – Bıyl memlekettik grantqa úmitkerlerdiń 25 paıyzy pedagogıkalyq mamandyqty tańdaǵan. Bul týraly Premer-Mınıstrdiń orynbasary – Eńbek jáne halyqty áleýmettik qorǵaý mınıstri Tamara Dúısenova aıtty, dep habarlaıdy QazAqparat tilshisi.
«Tek bıyldyń ózinde ǵana memlekettik grantqa úmitkerlediń árbir tórtinshisi, sonymen qatar 1,5 myńnan astam Altyn belgi ıegeri muǵalim bolǵysy keldi. Esterińizde bolsa, osydan ne bári 5 jyl buryn pedagogıkalyq mamandyqtarǵa talapkerler 50 balmen tússe, búginde shekti ball - 111», - dedi Tamara Dúısenova Bilim salasy qyzmetkerleriniń respýblıkalyq tamyz keńesinde.
Onyń atap ótýinshe, bul muǵalim kásibı mártebesiniń artyp kele jatqanyn, pedagogıkalyq korpýstyń sapaly nyǵaıǵanyn jáne qabyldanǵan memlekettik is-sharalardyń durystyǵyn bildiredi.
«Bilim berý júıesinde belgilengen kórsetkishterge qol jetkizýge baǵyttalǵan qarajat kólemi tek sońǵy 5 jylda ǵana eki esege nemese 2-den 4,5 trln teńgege deıin artty. Búginde osyndaı qarajat Qazaqstannyń bilim júıesine jumsalýda. Degenmen, jańa jaǵdaı aldymyzǵa jańa mindetterdi de júkteıtindigin túsiný qajet», - dedi mınıstr.
