Múbaraktyń zaıyby múlkin memleketke syılamaq
ASTANA. 17 mamyr. QazAqparat - Mysyrdyń burynǵy prezıdenti Hosnı Múbaraktyń zaıyby Sıýzan Sábıt dúısenbi kúni memlekettiń esebine óz múlkinen: Kaır syrtyndaǵy vıllalary men banktegi esepshotynan bas tartý jónindegi qujatqa qol qoıdy,
dep jazady Ýtro.ru.
Buryndary habarlanǵandaı, Sıýzan Sábıt óz advokatyna Kaır syrtyndaǵy Masr ál-Gadıdada 4,3 mıllıon Mysyr fýntyna (741 myń dollar) satyp alynǵan vıllalary men Mysyr bankteriniń birindegi 2,8 mıllıon dollarǵa teń esepshotyn memleket esebine aýdarý boıynsha qujattar daıyndaýǵa tapsyrma bergen bolatyn. Bul nıetin burynǵy prezıdenttiń zaıyby qaıyrymdylyq sharasy retinde dep túsindirdi.
Jeksenbi kúni mysyrlyq BAQ-tarda jańa aqparat paıda boldy. Oǵan saı, Hosnı Múbarak pen Sıýzan Sábıt halyqtyń múddesi úshin barlyq múlki men qarajatynan bas tartýǵa daıyn ekendikterin jetkizgen. Qazir Múbarak pen onyń zaıybynyń qorǵaýshylary burynǵy memleket basshysy múlikteriniń, onyń ishinde baqylaýshy organdardyń nazaryna ilikpeı qalǵan múlikteriniń tizimin ázirleýde.
