Múbáráktiń eki uly túrmeden bosatyldy
ASTANA. QazAqparat - Alaa men Gamal Múbárák dúısenbi kúni tańerteń Kaırdegi túrmeden shyǵyp, Gelıpolıs aýdanyndaǵy úılerine qaıtty.
Ótken aptada sot Múbáráktiń eki ulyn bosatýǵa sheshim shyǵarǵan bolatyn. Degenmen olar jekemenshikti zańsyz ıelengeni úshin aıyptaýlardy qaıta qaraý aıasynda sot aldyna kelýi tıis. Sot olardy aldyn ala qamaýdyń ruqsat etilgen merzimin ótegendigi jaıly qaýly shyǵardy.
51 jastaǵy Gamal Múbárák Ulttyq demokratııalyq partııanyń kóshbasshylarynyń biri bolyp, ákesiniń resmı emes murageri sanalǵan. Al 53 jastaǵy Alaa Múbárák Mysyrdyń jetekshi bıznesmenderiniń biri bolǵan.
