Múbárák sot aldynda aýrýhana tóseginde jatqan kúıi jaýap berýde
ASTANA. 4 tamyz. QazAqparat - Mysyrda eldiń burynǵy perzıdenti Hosnı Múbárákqa qatysty sot isi bastaldy.
Al-Jazeera-nyń habarlaǵanyndaı, bul burynǵy memleket basshysynyń 2011 jyly 11 aqpanda otstavkaǵa ketýge májbúr bolǵan ýaqyttan beri halyq aldyna alǵash shyǵýy, dep jazady RBK.
Mysyr memlekettik telearnasy H.Múbáráktiń aıyptalýshylar torynda aýrýhana tóseginde jatqan jerinen kadr úzindilerin kórsetti.
Buǵan deıin 83 jastaǵy burynǵy prezıdenttiń aýyr halde ekeni habarlanǵan bolatyn, ol 2011 jyldyń sáýirinen bastap Sharm-el-Sheıh qalasyndaǵy aýrýhanada jatty. Burynǵy el kóshbasshysynyń advokaty da onyń qorǵaýyndaǵy azamat onkologııalyq dertpen aýyratynyn aıtqan bolatyn.
Sot Kaır qalasynyń polıtsııa akademııasynda ótip jatyr. Mysyrdyń burynǵy prezıdenti zańsyz túrde memleket esebinen baıyp, 2011 jyldyń basyndaǵy qaıǵyly oqıǵada ereýilshilerge qarsy qarý paıdalanǵany úshin aıyptalýda. H. Múbárákpen birge jemqorlyq áreketteri úshin onyń uldary Gamal men Alıa da sot aldynda jaýap beretin bolady. Sot ǵımaratyna aıyptalýshy tikushaqpen jetkizildi.
