Múbarak Kaırdegi demonstranttar qaqtyǵysyn tekserý jónindegi komıssııa qurý týraly tapsyrma berdi
ASTANA. 8 aqpan. QazAqparat - Mysyr Prezıdenti Hosnı Múbarak Kaır ortalyǵyndaǵy Tahrır alańynda bolǵan jáne eń az degende 11 adam qaza tapqan demonstranttar qaqtyǵysyn tekserý jónindegi komıssııa qurý týraly tapsyrma berdi,
dep habarlaıdy «Maıak» radıosy.
Prezıdenttiń aıtýynsha, komıssııa «táýelsiz bolýy jáne jáne oǵan mysyr qoǵamynda óz ádildigimen aty shyqqan tanymal adamdar kirýi kerek».
Mysyrda eki aptaǵa sozylǵan dúrbeleńder barysynda eń az degende 297 adam qaza tapqan. «Hıýman raıts ýots» halyqaralyq quqyq qorǵaýshy uıymy osyndaı málimet jarııalap otyr. Uıym qyzmetkerleri Kaır, Aleksandrııa jáne Sýets qalalaryndaǵy birneshe aýrýhanalardy aralap, dárigerlerdiń arasynda saýalnama júrgizgenderin, meıithana málimetterin teksergenderin aıtyp otyr.
Mysyrdyń densaýlyq saqtaý mınıstrligi buqaralyq sherý kezinde qaza bolǵandardyń resmı statıstıkasyn ázirge jarııalaǵan joq.
Al quqyq qorǵaýshy uıymnyń ókilderi, málimetteriniń «aldyn ala jasalǵan tujyrymdar ekenin, qaza bolǵandardyń sany odan da kóp bolýy yqtımaldyǵyn» aıtyp otyr.
