Mýaıtaıdan Astana qalasy ákiminiń kýbogy úshin halyqaralyq týrnır ótedi
ASTANA. QazAqparat - Qazaqstan Respýblıkasy astanasynyń 20 jyldyǵyna oraı 2018 jylǵy 15 maýsymda Astana qalasynda, mýaıtaıdan kásipqoılar arasyndaǵy «Astana qalasy ákiminiń kýbogy» úshin halyqaralyq týrnıri ótedi, dep habarlaıdy QazAqparat QR Mýaıta federatsııasyna silteme jasaı otyryp.
Týrnır 71 kılogramǵa deıingi salmaqta «segizdik» formatynda ótkiziledi. Onda Taıland, AQSh, Brazılııa, Shvetsııa, Polsha, Iran jáne Qazaqstan elderiniń segiz kásipqoı sportshysy bir keshte Astana qalasy ákiminiń kýbogy úshin básekege túsedi.
Keshtiń negizgi urysynda, Dúnıejúzilik mýaıtaı keńesiniń (WMC) nusqasy boıynsha 51 kılogramdyq salmaqta kásipqoılar arasyndaǵy Azııa chempıony belbeýi úshin halyqaralyq dárejedegi sport sheberi Elaman Saıasatov pen Taıland Koroldiginiń chempıony Kongkamraı Jırapong kezdesedi.
Týrnırdiń uıymdastyrýshylary: QR Mýaıtaı federatsııasy jáne Astana qalasynyń ákimdigi. Ótetin orny Saýran kóshesi 44, EHRO-2017 aýmaǵyndaǵy «Kongress-ortalyq». Jarystyń bastalýy saǵat 18-00-ge josparlanǵan.
