Mýaıtaı boıynsha Álem kýbogynda qazaqstandyqtar 10 medal jeńip aldy
ASTANA. QazAqparat - 20-26 qarasha kúnderi Qazan qalasynda (Tatarstan) mýaıtaı (taı boksy) boıynsha Álem kýbogy ótti. Qazaqstan Respýblıkasy atynan eresekter sanaty boıynsha 5 sportshy, 16-17 jas aralyǵynda 7 sportshy baq synady, dep habarlady QR Mýaıtaı federatsııasynyń baspasóz qyzmeti.
Eresekter quramasy úsh kúmis júldege ıe boldy - Saıasatov Elaman (51 keli), Galıev Ishan (57 keli) jáne Aqjanov Rústem (71 kelige deıin). Jastar eki altyn medal - olar Seıitbek Rymbek (54 kelige deıin) jáne Zaıakın Rýslan (63,5 kelige deıin), úsh kúmis - Magdeev Alekseı (45 kelige deıin), Arıfhanov Baqytjan (48 kelige deıin) jáne Saǵyndyq Baǵdat (81 kelige deıin), jáne Orynbaı Aıan (60 kelige deıin) men Vadım Borko (54 kelige deıin) eki qola júlde jeńip aldy.
Álem kýbogyna 20 memleketten 300-den astam sportshy qatysty. 
