Mýaı-taıdan Azııa chempıonaty: Qazaqstan 7 medal oljalady
«SPORTINFORM» SAA-ǵa silteme jasap.
Chempıonatta qazaqstandyq sportshylar el qorjynyna 7 medal saldy. Qola medaldardy Elaman Saıasatov (54 keli), Rýslan Zaıakın (71 keli) jáne Ivan Van-Hon-Týn (86 keli) enshiledi. Almaz Sársembekov (57 keli), Evgenıı Zaıtsev (63,5 keli) pen Albına Qulbızekova (57 keli) kúmis júldege qol jetkizdi.
Qazaqstan úshin jalǵyz altyn medaldi 67 keli salmaq dárejesinde Nurtaza Jumahanov jeńip aldy. Jartylaı fınalda qazaqstandyq boksshy Birikken Arab Ámirlikteriniń sportshysy Núrıddın Samırdi nokaýtqa jiberse, aqtyq synda tóreshilerdiń biraýyzdan qabyldaǵan sheshimimen aýǵanstandyq Murtaza Shamaldy jeńgen.
Sondaı-aq qazaqstandyq Almaz Sársembekov erler arasyndaǵy Azııa chempıonatynyń «Úzdik boksshysy» atanyp, uıymdastyrý komıtetiniń arnaıy syılyǵymen marapattaldy. Jalpy komandalyq esepte Qazaqstan quramasy Taıland, Qytaı jáne Makaodan keıin tórtinshi orynda tur.
