Mýammar Kaddafı Lıvııa teledıdarynan kórindi
ASTANA. 12 mamyr. QazAqparat - Uzaq ýaqyt úzilisten keıin Lıvııa memlekettik telearnasy qaıtadan memleket basshysy Mýammar Kaddafı túsken qadrlardy kórsetti.
Ol Trıpolıdegi qonaqúıde taıpa basshylarymen keńesip otyr. Beınejazba bıylǵy jyldyń 11 mamyry kúni jazylǵan, dep habarlaıdy The Sky News agenttigi.
Onyń balalarynyń úıine áýeden bomba tastalǵannan keıin Kaddafı kóz jumdy degen sybys tarady. Al eldi onyń úlken uly Seıf ál-Islam basqarýda. Mundaı kúdikke sebep bolǵan Kaddafıdiń halyqtyń aldyna uzaq ýaqyt shyqpaı qoıýy. Óıtkeni ol buǵan deıin jurtshylyq aldyna úzbeı shyǵyp, telearnadan sóz sóılep, jýrnalıstermen qarym-qatynasta bolǵan edi.
