Mýammar Kaddafı kelissózge otyrýǵa daıyn
ASTANA. 4 sáýir. QazAqparat - "Mýammar Kaddafıdiń rejımi kelissózge otyrýǵa daıyn", - dep málim etti Grekııa Syrtqy ister mınıstri Dımıtrıs Drýtsas Afınyda Lıvııa revolıýtsııasy jetekshisiniń emıssarymen bolǵan kezdesýden keıin.
Bul týraly «RIA «Novostı» agenttigi habarlady.
«Lıvııa elshisiniń aıtýyna qaraǵanda, túıindi sheshýdiń joldaryn izdestirýde», - dedi Drýtsas.
Grekııanyń Premer-mınıstri Iorgos Papandreý jeksenbi kúni keshke Afınyda Lıvııa Syrtqy ister mınıstriniń orynbasary Abdelatı ál-Obeıdımen kezdesý ótkizdi. Grekııa Syrtqy ister mınıstriniń aıtýynsha, Lıvııa emıssary dúısenbi kúni Túrkııada jáne Maltada kelissózder ótkizedi.
«Biz halyqaralyq qoǵamdastyqtyń málimdemesin taǵy da qaıtaladyq, ıaǵnı, BUU sheshimderi tolyq saqtalýy jáne oryndalýy, atys-shabystar, zorlyq-zombylyqtar dereý toqtatylýy kerek», - dedi Drýtsas. Onyń aıtýynsha, máseleni «saıası jáne dıplomatııalyq jolmen» sheshý jónindegi kúsh-jiger jalǵasýy kerek.
