Mýammar Kaddafı Halyqaralyq shahmat federatsııasynyń tóraǵasy Kırsan Ilıýmjanovpen shahmat oınady
ASTANA. 13 maýsym. QazAqparat - Lıvııa telearnasy jeksenbi, 12 maýsym kúni el basshysy Mýammar Kaddafı men Halyqaralyq shahmat federatsııasynyń tóraǵasy Kırsan Ilıýmjanovtyń kezdesýin kórsetti,
dep habarlady RBK agenttigi.
«Ál-Jamahırııa» memlekettik telearnasy K.Ilıýmjnov pen M.Kaddafı shahmat oınap otyrǵan beınekadrlardy kórsetti.
"Kezdesý barysynda Lıvııa basshysy, «syrttan jasalyp jatqan qysymǵa qaramastan» eldi tastap ketpeıtindigin málim etti. Osyndaı málimdeme jasalǵanyn K.Ilıýmjanov ta keıinnen rastady", - dep habarlady «Azattyq» radıosy.
Halyqaralyq shahmat federatsııasynyń prezıdenti eldegi shahmat sportyn damytýdyń perspektıvasyn talqylaý úshin Lıvııaǵa resmı saparmen kelgen bolatyn. K.Ilıýmjanov sondaı-aq Kaddafıdiń úlken uly, Lıvııanyń Ulttyq olımpıadalyq komıtetiniń jetekshisi Muhammed Kaddafımen de kezdesti.
Esterińizge sala keteıik, Lıvııa qazir otqa oranyp otyr. 2011 jyldyń aqpan aıynda bastalǵan azamattyq soǵys eldi ekige bólip otyr. Eldiń batysy - Mýammar Kaddafıdi jaqtaýshylardyń qaramaǵynda bolsa, shyǵysy - kóterilisshilerdiń baqylaýynda.
