MTV juldyzy Erık Ronerdiń parashıýtpen sekirip qaza tabýynyń egjeı-tegjeıi belgili boldy
ASTANA. QazAqparat - Bul qaıǵyly oqıǵa Kalıfornııada, Olımpıada kentiniń aýmaǵyndaǵy Taho kóliniń qasynda bolǵan. Sheteldik BAQ-tyń jazýynsha, onda golftan iri jarys ótip jatqan.
Jobanyń aıasynda ekstremal sportshylar óner kórsetýi tıis edi. Olardyń arasynda MTV jáne MTV2 júrgizýshisi Erık Roner de bolǵan. Bir kezde parashıýtine ıe bola almaǵan ol aǵashqa soǵyldy. Soqqy saldarynan MTV juldyzy sol jerde mert boldy.
Erık Roner ekstremaldyq sport túrleri týraly úzdik amerıkandyq shoýlardyń qatysýshysy retinde belgili edi. Roner kórermenderge jerdegi jáne áýedegi trıýkterdi kórsetetin-di. Bıyl tiri bolǵanda 39 jasqa tolar edi. Aıta ketken jón, Erık Roner áleýmettik jelilerde sońǵy habarlamasyn osydan nebári 4 kún buryn ǵana qaldyryp ketti.
