MSQRD betperdesi Instagramda ashyldy
ASTANA. QazAqparat - Jurtqa tanymal MSQRD qosymshasynyń segiz betperdesi Instagram áleýmettik jelisinde iske qosyldy. Bul týraly The Verge habarlady.
Osy málimetti Feısbýktegi paraqshasynda MSQRD jobasyn qurýshylardyń biri Evgenıı Nevgen de rastady.
Paıdalanýshy sýretterindegi adam betterine betperde ornalastyratyn fıltrlerdiń ishinde qoıannyń qulaǵy, tájdiń birneshe nusqasy jáne basqa da qosymshalar bar.
Belarýs mamandarynyń jasaǵan MSQRD jobasy 2015 jyldyń sońynda paıda boldy. Úsh aıdan soń ony iri áleýmettik jeli Feısbýk satyp aldy. Alaıda mámileniń jalpy somasy ázirge sheıin jarııa etilmedi.
