«Mirjaqyp. Oıan, qazaq!» fılmi taǵy bir apta kınoteatrda kórsetiledi

El kınoteatrlarynda kórsetilimge shyqqan 6 serııaly «Mirjaqyp. Oıan, qazaq» serıalynyń yqshamdalǵan nusqasynyń prokaty taǵy bir aptaǵa sozyldy, dep habarlaıdy QazAqparat.

«Qalyń kórermenniń qalaýy bolyp, «Mirjaqyp. Oıan, qazaq» fılminiń kınoteatrlardaǵy kórsetilimi taǵy bir aptaǵa uzartyldy. Endi talabymyzǵa qadamymyz saı bop, kelesi aptany da anshlag jasaıyq. Kınoteatrlar da suranysty kórdi ǵoı, múmkin seanstar sanyn budan da ulǵaıtar. Memlekettiń jumsaǵan qarjysy aqtalǵan alǵashqy tarıhı joba bolsa degen tilek bar», — dep jazdy serıaldyń rejısseri Murat Esjan Facebook paraqshasynda.  

Onyń aıtýynsha, atalǵan fılm 100% memlekettik bıýdjetke túsirilgen.

Aıta ketsek, jelide «Mirjaqyp. Oıan, qazaq!» atty mınıserıaldyń qysqartylǵan nusqasy kórsetilimnen alynyp tastaldy degen aqparat taraǵan edi.

Keıin rejısser Murat Esjan resmı túsinik berdi.

Eske salsaq, atalǵan fılm 21 qyrkúıekten bastap qalyń jurtshylyqqa jol tartty.