MRT nátıjesi kovıdpen uzaq ýaqyt aýyrǵan naýqastyń ishki organdary buzylatynyn kórsetti
Ǵalymdar kovıdten uzaq ýaqyt zardap shekkenderdiń úshten birinde aýrýhanadan shyqqannan birneshe aı ótken soń ishki organdardyń jumysyndaǵy buzylýlardy anyqtady, dep habarlaıdy QazAqparat bul týraly VVS jańalyqtaryna silteme jasap.
Ǵalymdar alǵash ret vırýs juqtyrǵannan keıin uzaq ýaqyt aýrýdan aryla almaǵan naýqastardyń MRT qorytyndylaryn zerttedi.
Zertteý nátıjesi kovıdpen uzaq aýyrǵandarda aýyrmaǵandar tobymen salystyrǵanda ókpe, mı jáne búırek zaqymdanýy úsh ese joǵary ekenin kórsetti.
Ókpeniń zaqymdanýy Covid-pen uzaq ýaqyt aýyrǵan naýqastar arasynda shamamen 14 ese jıi kezdesedi, al búırek pen mıdyń aýytqýy sáıkesinshe úsh jáne eki ese joǵary boldy.
Kóptegen organdardyń zaqymdaný dárejesi ınfektsııanyń aýyrlyǵyna, jasyna jáne basqa aýrýlardyń bolýyna baılanysty.
