MrBeast YouTube tarıhynda alǵash bolyp 500 mıllıon jazylýshy jınady
ASTANA. KAZINFORM — Tanymal bloger MrBeast YouTube platformasynda álemde alǵash bolyp 500 mıllıon jazylýshy mejesine jetti. Bul týraly TASS agenttigi jazdy.
MrBeast (shyn aty-jóni — Djeıms Stıven Donaldson) YouTube-ta qymbat ári aýqymdy trıýkterdi túsirýge negizdelgen beınerolıkter janrynyń negizin qalaýshylardyń biri sanalady.
2024 jyldyń shilde aıynda onyń arnasy 300 mıllıon jazylýshy kórsetkishinen asyp, platforma tarıhynda mundaı nátıjege qol jetkizgen alǵashqy adam atanǵan bolatyn.
Ol óz arnasyn 13 jasynda ashqan. Blogerdiń tanymal bolýyna túrli chellendjder, realıtı-shoýlar jáne qaıyrymdylyq jobalary týraly beınerolıkteri sebep boldy.
Buǵan deıin MrBeast myńǵa jýyq kórý qabileti nashar jáne zaǵıp jannyń kórý múmkindigin qalpyna keltirýge kómekteskeni týraly habarlanǵan edi.
Aıta keteıik, Qyrǵyzstan blogerleri 5 jylǵa salyqtan bosatylady.
