Mármár teńizindegi basty seısmıkalyq qaýip ıAlova mańyna shoǵyrlanǵan – túrkııalyq ǵalym
ASTANA. KAZINFORM – Túrkııalyq seısmolog Shener Ýshýmezsoı Mármár teńizindegi Hanzada araldary mańynda joıqyn jer silkinisi bolady degen keń taraǵan pikirge kúmán keltirdi, dep habarlaıdy Kazinform.
Ǵalymnyń aıtýynsha, 1894 jáne 1999 jyldardaǵy joıqyn jer silkinisterinen keıin bul aımaqtaǵy geologııalyq kerneý basylǵan, al qazirgi negizgi qaýip aımaq ıAlova mańynda, atap aıtqanda Chynardjyk – Esenkeı – Bozbýryn syzyǵynda shoǵyrlanyp otyr.
«Hanzada araldarynyń janyndaǵy jarylys aımaǵy Túrkııaǵa tikeleı qaýip tóndirmeıdi. 1894 jylǵy jer silkinisi kezinde Stambul men Anadoly plıtasynyń arasyndaǵy energııa bosap shyqqan, al onyń shyǵys jalǵasy 1999 jylǵy apatty dúmpýlerde tolyqtaı razrıadtalǵan», — dep túsindirdi professor TGRT Haber telearnasyna bergen suhbatynda.
«Synyq súıek bitip úlgermeı qaıta jarylmaıtyny sııaqty, bul aımaq ta qaıta jarylmaıdy», — dedi sodan soń seısmolog.
Ýshýmezsoıdyń baǵalaýynsha, 1999 jyldan keıingi negizgi seısmıkalyq qysym ıAlova shyǵanaǵynyń sýasty bóligine qaraı yǵysqan.
Mamannyń bul pikiri Túrkııadaǵy ǵylymı qaýymdastyq nazaryn ózgertti: endi geologter men tótenshe jaǵdaılar mamandary Stambýl jaǵalaýyna emes, ıAlova mańyndaǵy Mármár teńizi ýchaskesine kóbirek mán berip otyr.
Sarapshylardyń aıtýynsha, dál osy jerde aldaǵy ýaqytta kúshti jer silkinisi bolý yqtımaldyǵy joǵary.
Buǵan deıin Balykesır qalasyndaǵy jer silkinisi Túrkııaǵa seısmıkalyq qaýipti qaıta eske salǵan edi.
Al jýyrda Kodjaelı provıntsııasynyń Gebze qalasynda jeti qabatty turǵyn úıdiń opyrylyp túsýi de eldegi geologııalyq turaqsyzdyq máselesin kúsheıtti.
Aıta keteıik, Túrkııa men Armenııa shekarasynda jer silkinisi boldy.