MP3, ZIP jáne PDF tehnologııasyn oılap tapqan Avraam Lempel Izraılde qaıtys boldy

TELЬ-AVIV. TASS - Matematık jáne kompıýter ǵalymy Avraam Lempel Izraılde 86 jasynda qaıtys boldy, dep habarlady dúısenbi kúni Yedioth Ahronoth gazeti. Basylymnyń málimetinshe, professor Lempeldiń kórnekti jetistikteriniń biri - MP3, ZIP jáne PDF sııaqty kóptegen zamanaýı faıl pishimderiniń negizin quraǵan derekterdi qysý algorıtmderin jasaý boldy, dep habarlaıdy QazAqparat TASS-qa silteme jasap.

Lempel 1936 jyly Lvovta dúnıege kelgen, keıin Izraılge qonys aýdaryp, Haıfa qalasynda ornalasqan eldegi eń kóne ýnıversıtetterdiń biri Tehnıon-Izraıl tehnologııalyq ınstıtýtynda oqydy. Sol jerde 1963 jyly bakalavr, 1965 jyly magıstr, 1967 jyly tehnıka ǵylymdarynyń doktory, 1977 jyly professor ataǵyn aldy. 1990 jáne 2000 jyldary ol uzaq ýaqyt boıy Izraıldegi HP zerthanasynyń basshysy boldy.

Onyń eń mańyzdy ǵylymı úlesine ızraıldik matematık ıAkov Zıvpen birge 1977 jáne 1978 jyldary derekterdi joǵaltpaı qysý algorıtmderi boıynsha avtorlyq eńbekteri jatady. Olar tapqan derekterdi túrlendirý ádisi ózderiniń atymen Lempel-Zıv ádisi dep ataldy, al algorıtmder toby LZ (LZ77, LZ78, LZW jáne t.b.) dep belgilendi.

Yedioth Ahronoth aıtýynsha, Lempel jáne Ziv ázirlemeleri TIFF, PNG, ZIP, GIF qosa alǵanda, búgingi kúnge deıin qoldanylyp kele jatqan derekterdi syǵýdyń birqatar formattarynyń negizin qurady jáne PDF jáne MP3 pishimderin jasaýda erekshe mańyzdy ról atqardy. Elektrondyq qurylǵylardyń jad modýlderinde qoldanylatyn derekterdi syǵýdyń kóptegen zamanaýı tehnologııalary da osy algorıtm negizinde ázirlengen.