Mozambıkte sý tasqynynan 500 myńnan astam adam zardap shekti
ASTANA. KAZINFORM — Mozambıkte jarty mıllıonnan astam adam sý tasqynynan zardap shekti. El astanasy Mapýtý sý astynda qalyp, turǵyn úıler men aýrýhanalar qırady, dep habarlaıdy BELTA.
Inkomatı ózeni arnasynan asyp, tasqynǵa ulasyp, Mapýtý provıntsııasyndaǵy Afrıka eliniń ońtústigi men soltústigin baılanystyratyn tas jolda kólik qozǵalysyn toqtatty. Qazirgi ýaqytta Mapýtýdan basqa qalalarǵa kólikpen jetý múmkin emes. Qutqarýshylar sý shaıyp ketken kópirler men ótkelderdiń jaǵdaıyn tekserip jatyr.
Sońǵy kúnderi Gaza provıntsııasynda júzdegen adam sý basqan ózenderdiń astynda qaldy. Olar qaıyq jáne tikushaqtarmen evakýatsııalanyp jatyr. Birqatar qalada aýyz sý berý toqtady. Boana men Shokvede aýyz sýmen qamtamasyz etý tolyǵymen óshirilse, Mapýto men Matolada 30% qysqardy. Jergilikti áýe kompanııasy jolaýshylar men mańyzdy júkterdi tasymaldaý úshin Mapýtýdan Gaza provıntsııasyna arnaıy reısterdiń ashylǵanyn habarlady. Eldegi kúrdeli jaǵdaıǵa baılanysty prezıdent Danıel Shapý Shveıtsarııanyń Davos qalasynda ótip jatqan dúnıejúzilik ekonomıkalyq forýmǵa saparyn toqtatty.
Kúzde jańbyrly maýsym bastalǵaly beri Mozambıkte sý tasqynynan 103 adam qaza taýyp, 170 myńǵa jýyq adam zardap shekti.
Aıta keteıik, Indonezııada sý tasqynynan 16 adam qaza taýyp, 140-tan astam úıdi sý shaıyp ketti.