Mozambık jaǵalaýynda keme apatqa ushyrap, 91 adam qaza tapty

ASTANA. KAZINFORM – Mozambıkte balyqshylar kemesi tıelgen júktiń shamadan tys artyq bolýy saldarynan sýǵa batyp, kem degende 91 adam qaza tapty, dep habarlaıdy TASS aqparat agenttigi.

Olardyń aıtýynsha, kemede 130 adam bolǵan. Kemege shamadan tys júk tıelip, jolaýshylardy tasymaldaýǵa jaramsyz bolǵan, dep habarlady Nampýla provıntsııasy memlekettik hatshysy.

Onyń aıtýynsha, kemede tyrysqaq epıdemııasynyń taralýy týraly jalǵan aqparat saldarynan dúrbeleń bastalǵan, jolaýshylardyń kópshiligi jaǵaǵa shyǵýǵa tyrysqan.

Memlekettik hatshynyń habarlaýynsha, qaza tapqandar arasynda birneshe bala bar. Qutqarýshylar aman qalǵan bes adamdy tapty, onyń ekeýi aýrýhanaǵa jetkizildi. Kemeniń apatqa ushyraý sebebin anyqtaý úshin tergeý amaldary bastaldy.