Mozambık quramasynyń oıynshysy «Qaısarǵa» keldi
Rejınaldo 1990 jyldyń 14 maýsymynda Mozambıktiń Kelımane qalasynda dúnıege kelgen. Úlken fýtboldaǵy alǵashqy qadamyn 2013 jyly Portýgalııanyń «Nasonal» (Fýnshal) komandasynda bastaǵan ol sodan beri sol eldiń «Santa-Klara», Albanııanyń «Lıýftetarı», «Lachı», «Kýkesı» komandalarynda oıyn kórsetti. Byltyr ol Qaraǵandynyń «Shahteri» quramyna jazda qosylyp, 13 oıynda 3 gol soqty.
Faıfe Rejınaldo 2011 jyldan beri Mozambık quramasy sapynda oınaıdy. Qazirge deıin 25 kezdesýde qarsylastar qaqpasyn 3 márte dál kózdedi.
Budan buryn «Qaısar» basshylyǵy qorǵaýshylar - Eldos Ahmetov jáne Baǵdat Qaıyrov, grýzııalyq shabýylshy Elgýdja Lobjanıdze, kabo-verdelik jartylaı qorǵaýshy Alvın Fortes, ýkraınalyq qorǵaýshy Rızvan Ablıtarovpen kelisimshartqa otyrǵan bolatyn.