MÓZ-derde jóndeý grafıgi janar maı tóńiregindegi qarbalasty boldyrmaıdy - Energetıka mınıstrligi
«PKOP» JShS (Shymkent)
Kúrdeli jóndeý 2017 jyldyń 20 naýryzynan 1 mamyryna deıin josparlanyp otyr.
Kelesi jumys túrlerin júrgizý josparlanyp otyr: saýyttardy tehnıkalyq tekserý jáne saýyttardyń qaldyq resýrstaryn baǵalaý; 215 pozıtsııasy jelisiniń tehnologııalyq qubyr joldaryn ınspektsııalaý (tekserý jáne revızııa); «PKOP» JShS tehnologııalyq qondyrǵylarynyń 3 jyldyq jóndeýaralyq kezeńine aýysý boıynsha jáne t.b. is-sharalardy oryndaý.
Tehnologııalyq qondyrǵylardy 3 jyldyq jóndeýaralyq kezeńine aýystyrý boıynsha is-sharalardy oryndaý - baqylaý júıesimen jaraqtandyrý, jabdyqty aýystyrý jáne tehnıkalyq qyzmet kórsetý men jóndeýdiń avtomatty basqarý júıesin engizý.
«Shymkent MÓZ rekonstrýktsııalaý jáne jańǵyrtý» jobasyn iske asyrý aıasynda kúrdeli jóndeý kezeńinde kelesi jumys túrlerin oryndaý josparlanyp otyr:
- katalıtıkalyq rıformıngtiń qoldanystaǵy qondyrǵysynyń shıkizatyn gıdrotazalaý blogy boıynsha - tehnologııalyq jabdyqty jáne tehnologııalyq qubyr joldaryn montajdaý.
- Izomerızatsııa qondyrǵysyn iske qosýmen baılanysty jalpy zaýyttyq sharýashylyq obektileri boıynsha: - jańa tehnologııalyq qubyr joldaryn montajdaý jáne kesindilerdi oryndaý.
2017 jyly joǵaryda kórsetilgen jumystardy oryndamaǵan jaǵdaıda, 2017 jyldyń maýsymynda ızomerızatsııa qondyrǵysyn salý jáne paıdalanýǵa engizýdi aıaqtaý qamtamasyz etilmeıdi. Jumystardyń joǵaryda kórsetilgen merzimderin aýystyrý nemese qysqartý 2017 jyly Shymkent MÓZ jańǵyrtýdyń 1-kezeńin aıaqtaýdyń múmkin bolmaýyna ákep soǵady.
«PMHZ» JShS (Pavlodar)
Kúrdeli jóndeý 2017 jyldyń 01 maýsymynan 07 shildesine deıingi kezeńge josparlanyp otyr.
Ónerkásiptik qaýipsizdik salasyndaǵy qaǵıdalar men QR zańynyń talaptaryn eskere otyryp, kelesi jumys túrlerin júrgizý josparlanyp otyr: qysymda jumys jasaıtyn saýyttarǵa ishki tekserý júrgizý, qysymda jumys jasaıtyn saýyttardyń ónerkásiptik qaýipsizdigine saraptama júrgizý, saqtandyrý klapandaryn tekserý jáne revızııalaý, tehnologııalyq qubyr joldaryn tehnıkalyq tekserý (revızııa), tehnologııalyq qubyr joldarynyń ónerkásiptik qaýipsizdigine saraptama júrgizý jáne t.b.
MBÓK-1, MTÓK-3, AMQÓK-4 keshenderinde dınamıkalyq jabdyqtardy qysymda jumys isteıtin qubyr joldary men saýyttardy baqylaýdyń akýstıkalyq júıesi men vıbromonıtorıng júıesimen jaraqtandyrý josparlanyp otyr. Sondaı-aq, TORO tehnıkalyq qyzmet kórsetý jáne jóndeýdi avtomatty basqarý júıesin engizý josparlanyp otyr.
2017 jyly ýaqyty jáne daıyndyǵy boıynsha barynsha uzaqqa sozylatyn jóndeýge toqtaý jumystary kelesiler bolyp tabylady: rekonstrýktsııalaý jáne jańǵyrtý aıasynda MBÓK kesheninde jańa jabdyqty aýystyrý jáne montajdaý; S-200 MTÓK kesheniniń reaktorlyq-regeneratorlyq blogyn rekonstrýktsııalaý; R-201 reaktory men R-202 regeneratorynyń ishki qurylǵylaryn aýystyrý.
«AMÓZ» JShS (Atyraý)
Kúrdeli jóndeý 2017 jyldyń 18 tamyzynan bastap 16 qyrkúıegine deıingi kezeńde josparlanyp otyr.
Qoldanystaǵy óndiristi tehnıkalyq jaı-kúıi boıynsha kúrdeli jóndeý.
1. Jylý almasý jabdyqtarynyń qubyrlyq baılamyn tazalaý. Oryndaýdy tıimdi jylý almasýdy qamtamasyz etý, sorǵy-kompressorlyq jabdyqta júktemeni tómendetý, jylý energııa resýrstaryn salystyrmaly tutynýdan asyp ketýge jol bermeý úshin qajet;
2. Katalızatorlardyń qorǵaý qabattaryn salý. Oryndaý gıdrogenızatsııalyq protsester júıelerinde qajet etiletin kólemdi jyldamdyq jáne sýtektiń partsıaldy qysymy men qaıtalama munaı ónimderin óńdeýge tartý múmkindigin qamtamasyz etý úshin qajet.
3. Baıaý kokstaý qondyrǵysynda peshterdiń qubyr ırektútikterindegi koks qabattarynyń bý burqaýy. Oryndaýdy qubyr ırektútikteriniń ishki jaǵynan koks qabattaryn joıý, júıedegi qysymdy tómendetý, tıimdi jylý almasýdy qamtamasyz etý, sorǵy jabdyǵyna júktemeni tómendetý úshin qajet.
QR MÓZ-derinde merzimderi jańǵyrtý jáne rekonstrýktsııalaý jobalaryna sáıkes MÓZ qoldanystaǵy jáne jańa qondyrǵylarynyń qurylys-montajdaý jumystaryn júrgizýdiń birizdiligin saqtaý jáne JZSh-men (jalpy zaýyt sharýashylyǵy) ızomerızatsııa qondyrǵylary qurylysyn aıaqtaý merzimderin, qaýipsizdik talaptaryn oryndaýdy eskere otyryp belgilendi.
Jumystardyń kópshilik bóligi zaýyttyń jumys istep turǵan jaǵdaıynda táýlik boıy júrgiziletin bolady.
MÓZ-derde jóndeý jumystarynyń grafıgin bekitý jáne osy aqparatty jarııalaý JJM naryǵynyń qatysýshylaryna otyndy berýdi naqty josparlaýǵa jáne ajıotaj ben janarmaı tapshylyǵyn boldyrmaýǵa múmkindik beredi.
QR MÓZ jabdyqtaryn tolyq nemese tolyǵymen bastapqy resýrsqa jaqyn qalpyna keltirý maqsatynda 2017 jyly josparly kúrdeli jóndeýdi oryndaý josparlanyp otyr.
