Moıynqumda tereń shuńqyrǵa qulap ketken er adam qutqaryldy
TARAZ. QazAqparat – Jambyl oblysy Moıynqum aýdanynyń órt sóndirýshi-qutqarýshylary shuńqyrǵa qulaǵan er adamdy qutqardy, dep habarlaıdy QazAqparat tilshisi.
18 qarasha 10 saǵat 41 mınýtta Jambyl oblysy TJD «112» nómirine Moıynqum aýdany Moıynqum aýyly Amankeldi kóshesindegi «Talas» saýda úıiniń artynda qazylǵan tereń shuńqyrǵa er adamnyń qulap ketkeni jóninde habarlama kelip túsken.
Bul týraly departamenttiń baspasóz qyzmeti habarlady.
«Oqıǵa ornyna azamattyq qorǵaý organynyń 3 adam jedel jetip, tereń shuńqyr ishinen zardap shegýshi 1964 jyly týǵan er adamdy shyǵaryp, jedel járdem qyzmetkerlerine tapsyrǵan» delingen vedomstvo habarlamasynda.
Qazirgi ýaqytta zardap shegýshi jambas súıeginiń syný dıagnozymen aýdandyq aýrýhananyń jansaqtaý bólimine ornalastyryldy.
