Moıynqumda quramynda altyn bar ken tastaryn jınaýshylar ustaldy
TARAZ. QazAqparat – Jambyl oblysy Moıynqum aýdanynda quramynda altyn bar ken tastaryn jınaǵandar qolǵa tústi, dep habarlaıdy QazAqparat tilshisi.
Bul týraly
oblystyq polıtsııa departamentiniń baspasóz qyzmeti málimdedi. Onda aǵymdaǵy
jyldyń 27 shildesinde Moıynqum aýdandyq polıtsııa bóliminiń «102» pýltine
quramynda altyn bar ken tastaryn jınaǵan azamattar týraly habarlama kelip
túskendigi aıtylǵan.
«Altyn ótkizýshiler ken tastaryn jınaýmen aınalysyp, olardy «ÝAZ» markaly úsh avtomashınaǵa tıegen. Tekserý barysynda polıtsııa qyzmetkerleri quramynda baǵaly metall bar tórt qap ken tastaryn tárkiledi. Іs boıynsha segiz kúdikti ustaldy. Tárkilengen ken tastaryna sot-hımııalyq saraptamasy taǵaıyndaldy»,-delingen vedomstvo habarlamasynda.
Atalǵan fakti boıynsha QR QK 334-baby 1-bóligi negizinde sotqa deıingi tergeý bastaldy.
