Moıynqumda 3,5 jyl buryn jylqy urlaǵan kúdikti ustaldy
MOIYNQUM. QazAqparat - Jambyl oblysy Moıynqum aýdanynda polıtseıler osydan 3,5 jyl buryn oryn alǵan jylqy urlyǵyna qatysty kúdiktini anyqtady, dep habarlaıdy QazAqparat.
Aıta keteıik, 2015 jyldyń jeltoqsan aıynda Moıynqum aýdany Mırnyı kentinen jaqyn jerde jaıylǵan jylqysynyń urlanǵany týraly shaǵymdanǵan. Alaıda, jedel-izdestirý sharalary ol kezde nátıjesin bermegen.
«Polıtseıler osy baǵytta jumys isteýdi jalǵastyryp, qylmystyń mindetti túrde ashylatynyna sendi. Óıtkeni, kináli adam jazalanýy kerek. Aqyrynda tynymsyz jumys óz jemisin berdi. Úsh jarym jyl ótkennen keıin QKP qyzmetkerleri buryn mal urlyǵy úshin sotty bolǵan Moıynqum aýdanynyń turǵynynyń atalmysh qylmysqa qatysy bar ekenin anyqtady», -deıdi oblystyq polıtsııa departamenti baspasóz qyzmetiniń jetekshisi Gúlsara Muhtarqulova.
Aǵymdaǵy jyldyń 30 maýsymynda kúdikti óz kinásin tolyq moıyndaǵan. Qazirgi tańda QR QK 188-babynyń 1-bóligi boıynsha sotqa deıingi tergeý júrgizilýde.
