Moıynqumda 10 kún boıy shahtada altyn qazǵandar 3 qap rýdany urlaý ústinde ustaldy

MOIYNQUM. QazAqparat - Jambyl oblysynda úsh adam ónerkásiptik kompanııanyń shahtasynan altyn rýdasyn urlamaq boldy, dep habarlaıdy QazAqparat.

Bul týraly polıtsııa bólimine osy kásiporynnyń qyzmetkerleri habarlady.

Jábirlenýshi taraptyń aıtýynsha, belgisiz tulǵalar kompanııanyń kúzetiletin aýmaǵyna kirip, tereńdigi 100 metr shahtaǵa túsip, quramynda altyn bar 3 qap ken urlamaq bolǵan.

Moıynqum aýdanynyń polıtsııa qyzmetkerleri osy qylmysqa qatysy bar degen kúdikpen 1976 jáne 1977 jyly týǵan eki er adamdy ustady.

Kúdiktiler Aqmola oblysy men Nur-Sultan qalasynyń turǵyndary bolyp shyqty.

Tergeý barysynda úsh er adam aldyn ala sóz baılasyp, 26 mamyrdan bastap qural-saıman men azyq-túlik alyp, qymbat metaldy óndirý úshin shahtaǵa túskeni anyqtaldy.

Kúdiktiler shahtada 10 kúnnen astam ýaqytta bolǵan. Olar kendi qapqa jınap qoıǵanymen, qylmysty aıaqtaı almaǵan.

Kenshiler buzaqylardy qylmys ornynda ustady.

Atalǵan derekke qatysty QR Qylmystyq kodeksiniń 24-baby 3-bóligi, 188-baby 3-bóligi boıynsha sotqa deıingi tergeý amaldary bastaldy.

Zattaı aıǵaqtar alyndy. Birqatar qajetti saraptamalar taǵaıyndalǵan.

Qazirgi ýaqytta polıtsııa qyzmetkerleri úshinshi sybaılasyn izdestirip jatyr.