Moıynqum aýdanynyń turǵyny qorasynda 3 qap esirtki saqtaǵan

TARAZ. QazAqparat – Jambyl oblysynyń polıtseıleri qorasynda 3 qap esirtki saqtaǵan turǵyndy ustady, dep habarlaıdy QazAqparat tilshisi.

Jambyl oblysy Polıtsııa departamentiniń Esirtki qylmysyna qarsy is-qımyl basqarmasynyń qyzmetkerleri Moıynqum aýdanynyń 45 jastaǵy turǵyny ustady.

Onyń qorasyn tintý kezinde jalpy salmaǵy 4 kg 535 gramm úsh qap keptirilgen marıhýana tabylyp, tárkilendi. Bul týraly Jambyl oblysy Polıtsııa departamentiniń Esirtki qylmysyna qarsy is-qımyl basqarmasynyń bastyǵy Asqar Jumabekov habarlady.

Kinásin moıyndaǵan kúdikti Moıynqum aýdanynyń ýaqytsha ustaý ızolıatoryna qamaldy.

Qazir Qylmystyq kodekstiń 296-baby 4-bóligi (Asa iri mólsherde esirtki zattaryn zańsyz saqtaý) boıynsha sotqa deıingi tergeý amaly júrgizip jatyr.