Moıynqum aýdandyq bilim bóliminiń býhgalteri 32 mln teńge jymqyrǵan

NUR-SULTAN. QazAqparat – Jambyl oblysynyń Moıynqum aýdanynda mektep qyzmetkerleriniń shotyna zańsyz aqsha aýdaryp, 32 mln teńge jymqyrǵan bilim bóliminiń býhgalteri sottaldy, dep habarlaıdy QazAqparat tilshisi.

«Moıynqum aýdandyq sotynyń úkimimen Moıynqum aýdanynyń bilim bóliminiń býhgalteri D.Ersultan 5 jylǵa sottalyp, taǵy 3 jylǵa qarjy salasynda eńbek etý quqyǵynan aıyryldy», - dep habarlady Sybaılas jemqorlyqqa qarsy is-qımyl agenttiginiń 1-shi departamentiniń aǵa tergeýshisi Danııar Bekaıdarov agenttikte ótken baspasóz máslıhatynda.

Onyń aıtýynsha aýdandyq bilim bóliminiń býhgalteri 32 mln teńge jymqyryp ketken.

«Ol 2016 jyldyń 10 qazanynan bastap 2019 jyldyń 28 aqpanyna deıin orta mekteptiń 10 qyzmetkeriniń kartalyq shotyna zańsyz negizde aılyq aýdarý jolymen keıin osy aqshany alyp otyrǵan», - deıdi Danııar Bekaıdarov.