Motoshabandoz Valentıno Rossı apatqa ushyrady
ASTANA. QazAqparat - MotoGP-tyń toǵyz dúrkin chempıony Italııadaǵy jattyǵý jarystary kezinde apatqa ushyrap, aýyr jaraqat aldy, dep habarlaıdy euronews.com .
Bul jaıly Yamaha komandasynyń ókilderi málim etti.
«Bastapqy dıagnoz boıynsha aıaǵynyń jiligi men jilik shybyǵynyń eki jerinen synǵan, Rossı aýrýhanaǵa jetkizildi», - delingen resmı málimdemede. Naqty dıagnoz juma kúni belgili bolady. Shabandozǵa ota jasalýy múmkin.
Bıylǵy maýsymnyń chempıon ataǵy úshin kúreste 38 jasar Rossı 157 upaımen tórtinshi orynda keledi.
