Motoshabandoz Hernık «Dakarda» qyzba, gıpertermııa saldarynan kóz jumǵan
ASTANA. QazAqparat - "Dakar-2015" rallıiniń úshinshi kezeńinde bolǵan oqys oqıǵa - polshalyq motoshabandoz Mıhaıl Hernıktiń ólimi denesi qatty qyzyp, qurǵap ketýinen oryn alǵan, dep habarlady "Frans Press-ke" silteme jasap «R-Sport».
Bul týraly medıtsınalyq saraptamadan keıin belgili boldy.
Qaıǵyly oqıǵa San-Hýan, Chılesıto eldi mekenderi arasyndaǵy jarystyń úshinshi kezeńinde boldy. Báseke barysynda Hernıktiń komandasy onymen baılanystyń joǵalyp ketkendigin, motoshabandozdyń baqylaý ýchaskesin aıaqtamaǵany habarlandy. Artynsha izdestirýdi bastaý sheshimi qabyldandy. 39 jastaǵy sportshyny tikushaq arqyly joldan 300 metrlik qashyqtyqtan tapty. Eshqandaı apat izderi baıqalmady. Hernık Dakara jarysyna alǵash ret qatysqan bolatyn.
Eske salsaq, «Dakaranyń» ekinshi kezeńinde qazaqstandyq shabandoz Artýr Ardavıchýstiń ekıpajy aýdarylǵan bolatyn.
