Motoroller júrgizgen soltústikqazaqstandyqqa mıllıon teńge aıyppul salynady
PETROPAVL. QazAqparat - SQO polıtseıleri bir aptada 3 myńnan astam jol qozǵalysy qaǵıdasyn buzýshylyqty anyqtady, dep habarlady «QazAqparat» HAA tilshisi. SQO ІІD baspasóz qyzmetine silteme jasap.
Zań buzýshylyqtyń jalpy sanynan 447-si zańdy óreskel buzǵandar. Onyń ishinde turǵyn úı aýmaqtarynda jol qozǵalysy, jolaýshylar men júkter tasymaldaý, qaýipsizdik belbeýlerin paıdalaný jáne t.b. qaǵıdalaryn saqtamaý bar.
Aqqaıyń aýdany Astrahan aýylynda polıtseıler 27 jastaǵy jergilikti turǵynnyń basqarýyndaǵy motorollerdi toqtatady. Mas kúıinde rýlge otyrǵan júrgizýshi budan buryn 3 jylǵa kólik júrgizý quqyǵynan aıyrylǵan bolyp shyqty. Endi ol QR QK 346-baby boıynsha 200 AEK (1 AEK - 269 teńge) deıin aıyppul tóleýi múmkin», - dedi vedomstvo baspasóz qyzmetinen.
Qalalyq jaǵajaı aýmaǵynda 15 jastaǵy Petropavl turǵyny basqarǵan skýter toqtatyldy. Tekserý barysynda onyń júrgizýshilik kýáligi joq ekeni anyqtaldy. Endi jaýapsyzdyǵy úshin ata-analary jaýap beredi. Oǵan QR ÁQtK 612-baby 2-bóligi boıynsha ákimshilik hattama toltyryldy.
SQO ІІD JPQ bastyǵy polıtsııa polkovnıgi Qanat Aıtbaevtyń aıtýynsha, 15 maýsymnan bastap vedomstvo «Jol qozǵalysy qaýipsizdiginiń onkúndigi» respýblıkalyq naýqany aıasynda jumys isteýde. Basty mindet - jolda balalar jaraqatynyń aldyn alý.
