Motorly qaıyq aýdarylyp, 28 adam iz-tússiz joǵaldy
ASTANA. QazAqparat - Úndistanda Brahmapýtra ózenimen júzip kele jatqan motorly qaıyq eldi Úndistannyń shyǵysyndaǵy Assam shtatynda tóńkerilgennen keıin 28 adam iz-tússiz joǵalyp ketti, dep habarlaıdy QazAqparat Shillong Times gazetine silteme jasap.
Basylymnyń málimetinshe, oqıǵaǵa qaıyqta adamdardyń shamadan tys kóp bolǵany sebep bolýy múmkin. 22 oryndyq qaıyq 40 adamdy jetkizbekshi bolǵan.
Jergilikti bılik ókilderiniń aıtýynsha, 12 jolaýshy qatty aǵynǵa qaramastan, óz betterimen jaǵaǵa shyqqan. Eki adam sýǵa ketti.
Qalǵan jolaýshylar jaıly aqparat joq. Bılik ókilderi iz-tússiz joǵalǵan azamattardy izdestirip jatyr.
