Mototsıklshi sıyrmen soqtyǵysyp, mert boldy -Qostanaı
QOSTANAI. QazAqparat - Qostanaılyq polıtseıler kólik júrgizýshilerdi «Mal aıdaý» jol belgisine nazar aýdarýǵa shaqyrady, dep habarlaıdy QazAqparat.
Oqıǵa Sarykól aýdanynda bolǵan. Almaty-Ekaterınbýrg tasjolynyń boıynda 35 jastaǵy mototsıkl júrgizýshisi joldan ótip bara jatqan sıyrlarmen soqtyǵysqan.
«Oqıǵa saldarynan «Sýzýkı» mototsıkliniń júrgizýshisi dene jaraqattaryn aldy. Ol aýdandyq aýrýhananyń hırýrgııa bóliminde kóz jumdy. Qazirgi ýaqytta QR QK 345-baby, 3-tarmaǵy(«Jol qozǵalysy erejeleriniń buzylýy») boıynsha sotqa deıingi tergep-tekserý sharalary júrgizilip jatyr», - delingen oblystyq ІІD baspasóz qyzmeti taratqan habarlamada.
Belgili bolǵandaı, jábirlenýshi sıyrlardy «Mal aıdaý» jol belgisi ornatylǵan tusta soqqan. Qostanaılyq polıtseıler kólik júrgizýshilerdi atalmysh jol belgisine nazar aýdarýǵa shaqyrady.
