Mototsıklshi poıyz dońǵalaǵynyń astynan zorǵa sytylyp shyǵyp, aman qaldy
ASTANA. QazAqparat - Jelide avstralııalyq poıyz mototsıkl júrgizýshini basyp kete jazdaǵan vıdeo jarııalandy, onyń rels ústinde ne úshin júrgeni belgisiz, dep habarlady Segodnıa.
Saǵatyna 160 shaqyrym jyldamdyqpen kele jatqan poıyz baıkty janshyp ketti, al onyń ıesi jan-dármen qashyp úlgerdi.
Álginiń nelikten rels ústinde júrgeni belgisiz, janynda birneshe dostary bolǵanǵa uqsaıdy, olar qarsy kele jatqan poıyzdyń aldyna shyǵýǵa táýekel etpegen bolýlary kerek.
Er adamnyń zardap shekpegeni belgili boldy. Al mototsıkldi poıyz janshyp ketti, avstralııalyq Vıktorııa shtatynyń polıtsııasy bul oqıǵaǵa baılanysty tergeý júrgizbek.
