Mototsıklden qulaǵan qostanaılyq boıjetken aýrýhanada kóz jumdy
QOSTANAI. QazAqparat - Rýdnyı qalasynda 18 jasar boıjetken mototsıklden qulap, qalalyq aýrýhanada jan tásilim etti, dep habarlaıdy QazAqparat oblystyq ІІD baspasóz qyzmetine silteme jasap.
Oqıǵa Rýdnyı qalasynda bolǵan. Mototsıkl tizgindegen 31 jastaǵy qala turǵyny jol shuńqyryna túsip ketken.
«Jol ústindegi shuńqyr sharbaqpen qorshalǵan jáne «Aınalyp ótý» belgisi ornatyldy. Bul aýmaqta jóndeý jumystary júrip jatqan. Jol-kólik oqıǵasy kezinde mototsıklde bolǵan 18 jasar jolaýshy aýyr dene jaraqattarymen qalalyq aýrýhanaǵa jetkizilip, sonda kóz jumdy», - dedi vedomstvonyń baspasóz hatshysy Irına Bejenar.
Atalǵan is boıynsha QR QK 345-babynyń 3-tarmaǵymen sotqa deıingi tergep-tekserý sharalary bastaldy. Mototsıkl júrgizýshisi qalalyq aýrýhananyń jaraqattaný bóliminde jatyr. Onyń jaǵdaıy birqalypty.
